Image Image Image Image Image Image Image Image Image Image
Scroll to top

Top

Fótbóltur

Greinar viðvíkjandi fótbóltsdystir í felagnum.

Tíðirnar broytast, og vit broytast við

13. oktober 2012 |

Hans Fróði prátar við nakrar av leikarunum, áðrenn fundin í kvøld (Mynd: Niels Petersen)

Starvsnevndin hjá Tvøroyrar Bóltfelag, saman við nýútnevnda ítróttarstjóra felagsins, Hans Fróða Hansen savnaðu í kvøld allar leikararnir í vaksnamannadeildini til fund. Á fundinum bleiv tikið samanum, júst farna kappingarár, og kunnað varð eitt sindur um, ætlanirnar fyri komandi ár. Heilt fitt av leikarum møttu, og menn vóru enn merktir, av øllum tí positiva frá farna kappingarári. Tað tóktist, sum sat spenningurin enn í teimum, og tí var lagið lætt og gott.
Les meira

Kappingin hjá U12 dreingjum er nú liðug

30. september 2012 |

Avmyndaði børnini eru nøkur av teimum, ið umrødd verða í greinini. Myndin bleiv tikin í Vági fyri trimum ella fýra árum síðani. Tey blíva bert raskari og raskari, so spennandi verður at fylgja teimum framyvir (Mynd: Bárður Hansen)

U12 liðini hjá TB vóru í Gundadali og við Løkin í dag, og ikki kann sigast annað enn, at tað gekk sera væl. Tað vóru heystkappingar á skránni í dag, og tað var samstundis markering fyri, at kappingarárið er lokið. Hetta er ein frálíkur máti til at enda kappingarnar hjá børnunum av við, og at tað verður gjørt nakað serligt burturúr, gevur børnunum ein virðiligan enda fyri árið. Eitt frálíkt átak, ið vit vóna fer at verða fastur táttur.
Les meira

TB longir við tveir leikarir

22. september 2012 |

Fyrireikingarnar eru væl í gongd, til at tryggja okkum ein sterkan og kappingarføran hóp til komandi kappingarár. Spennandi verður eisini at síggja allir teir ungu leikararnir, sum vera eitt ár eldri og enn grammari eftir byrjunarplássi. Framtíðin er av sonnum, sera spennandi hjá Tvøroyrar Bóltfelag (Mynd)

Flaggskipið hjá Tvøroyrar Bóltfelag, Effodeildarliðið hevur nakrar spennandi og avgerandi dystir fyri framman, nú tað bert íresta tríggir dystir av kappingarárinum. TB liggja í løtuni toluliga væl fyri, hvat møguleikanum til, at yvirliva í deildini viðvíkur, og spenningurin er tí stórur, um tað skal eydnast røsku beiggjunum, at røkka málinum, sum var yvirliving, fyrst og fremst. Hóast inniverandi kappingarár ikki er leikt liðugt, eru fyrireikingarnar til komandi kappingarár longu væl ávegis, og í kvøld kann Tvøroyrar Bóltfelag boða frá, at sáttmálarnir við tveir sera týdningarmiklar leikarar eru longdir, so hesir eisini spæla á besta liðnum í komandi ár.
Les meira

TB vóru suverenir

19. september 2012 |

FM vinnararnir eru her avmyndaðir úti í Vika á Argjum. Ovast frá vinstru síggjast: Ásmund Nolsøe, Ingi Mortensen, Jóhannes Magnussen, Georg Kjærbo. Húkandi f.v.: Jógvan Højgaard, Henrik Thomsen, Ronald Robertson og Mortan Petersen (Mynd: Suðurrás)

Við fyrrverandi stórleikarum, kempum úr Sumba, Vági, Hvalba og Runavík og sjálvandi av Tvøroyri, bardi eitt samansett TB lið seg til meistaraheitið í aldursbólkinum 45+. Allir leikarir hava leikt fótbólt stórar partar av teirra lívi, og onkur meira enn aðrir. Tveir á liðnum eru eisini skrásettir fyri landsdystir fyri føroyska A-landsliðið. Hetta var sjálvandi á teirra ungu døgum, men okkurt er enn eftir í gomlu gubbunum. Kappingin í ár var skipað í tvær kappingar, og TB gjørdi ikki mætari enn, at vinna báðar kappingarnar, og kunnu teir sostatt í dag reypa sær av, at teir eru bestu leikararnir í landinum í 45+ aldursbólkinum.
Les meira

TB raKar formin :)

15. september 2012 |

Captain Fantastic, Óli Johannesen var aftur á blettinum í Klaksvík, og sunnudagin vóna okur, at hann hevur savnað beiggjarnir, tá blást verður fyri álopi móti Víkingi (Mynd: Norðlýsið)

Stemningurin á TB liðnum er sera góður í løtuni, og tað tikist, sum at leikararnir aftur trúgva, at teir megna at røkka málinum. Trúgvin á, at tað letur seg gera, er sterk í løtuni, og menn kempa og berjast, sum galt tað um lív. Tað er av sonnum eisini júst tað, sum tað ger. Aldursforsetin er í beinleiðis yvirlivilsisstríði við B68, og um vikuskiftið hálaðu okkara seg upp um toftamenn, eftir at hesir hava ligið frammanfyri nakrar vikur. Bert fýra umfør íresta av kappingarárinum, og á seinasta leikdegi noyðast toftamenn á vitjan á Tvøroyri. Okkara garpar hava nú góðar fortreytir, og tað skal sveittast blóð, áðrenn nakar skal taka møguleikan frá okkum.
Les meira

Tann, ið vil tað mest, klárar tað aloftast

8. september 2012 |

Í størsta mótgangi sæst best, hvørjum karakteri eins leikarar eru gjørdir av. So brettið upp ermar, tí nú skal kempast fyri lívinum (Mynd: Astrid Vestergaard ella Bjarni Nyygaard)

Úrslitini hava gamaní ikki follið okkara veg, seinastu dystirnar, og ymsastaðni byrjar man at hoyra uppgevandi tónalag. Hetta særir mítt bløðandi TB hjarta, sum fult og fast trýr, at barndómsfelagið fer at hóra undan. Kappingin er ikki liðug enn, og tað eru enn fleiri frálíkir møguleikar hjá TB liðnum, til at skaffa sær neyðugu stigini, til at hála seg upp um B68. Fyri ALT í verðini má tað ikki henda seg, at leikarar í hópinum, NAKRANTÍÐ, hugsa tankan, at hetta gongur ikki, og, okur eru ikki góðir nokk, tí tað eru tykur…Og ríkiligt tað eisini. Tað liðið, ið trýr mest, á egnan mátt og megi, tað liðið klárar tað aloftast. So vælsignaði beiggjar, trúgvi uppá hetta, tí okur eru rættuliga nógv, ið stuðla tykkum allan vegin. Tykur ERU góðir nokk, og tykur FARA AT KLÁRA TAÐ !!!
Les meira

TB beit frá sær við Margáir

20. august 2012 |

TB liðið kempaði, sum úlvur á skóg í dag, og blivu akkurát ov stuttir. Tvær ferðir løgdu vit okkum á odda, men tað rakk tó ikki til stig í dag (Mynd: Astrid Vestergaard)

At TB er eitt lið, ið liggur á eina niðurflytingarplássinum, sást á ongan hátt í dag. Allir sum ein, kempaðu tvøramenn, sum villmenn, og løgdu, í stórum pørtum av dystinum, eitt stórt trýst á EB/Streym. Gestirnir av Tvøroyri løgdu seg á odda bæði 1-0 og 2-1, men tíverri var mótstøðan akkurát ov sterk, og heimaliðið dróg longra stráðið móti endanum av dystinum. Hóast hetta, góvu TB leikararnir aldrin upp, og var hepnið við okkum í dag, so fingu vit javnleikin suður við. Soleiðis bleiv tíverri ikki, og EB/Streymur er tí enn ein greiður favorittur til FM heitið.
Les meira

TB er við at reisa seg aftur

11. august 2012 |

Føroyameistararnir fingu ongantíð veruligt tamarhald á dystinum, tí tað vildu TB ikki loyva teimum. Spælfordeilingin var tó havnamonnum til fyrimuns, men mál fingu teir tó ongi (Mynd: Portal.fo)

Eftir tveir syndarligir innsatsir móti KÍ við Stórá, og móti HB í Gundadali, er tað nógv, ið bendir á, at TB er um at finna stevið aftur í Effodeildini. Sunnudagin taptu vit sera tepurt í Gøtu, men tó var liðið sera væl skipað, og varð spælt eftir fair play reglum, so endaði tann dysturin við javnleiki. Í dag blivu vit meira vandamiklir, tá vit lupu á, og kanska skelkaði hetta gestirnir. Hvussu er og ikki, so megnaði TB at halda føroyameistarunum næstan heilt burtur frá møguleikum. Dysturin endaði við málleysum javnleiki. Hetta fær leikararnir at trúgva uppá, at teir aftur kunnu megna at hála tey óvæntaðu úrslitini heim, og tá gerast vit øðiliga farligir. Watch out, TB er á veg!!!
Les meira

120 ára sangurin á YouTube

17. juli 2012 |

Eftir at framúrskarandi sangurin til 120 ára føðingardagin hjá TB hin 13. mai 2012 hevur verið til í eina tíð er stundin komin at spreiða hann via alnótina. Hetta er gjørt eins og við sjálvum TB Bandinum, sum bleiv gjørt … Les meira

TB og Einherjar áttu Svangaskarð

4. juli 2012 |

Nýggja fjepparafelagið hjá TB fekk navn leygardagin, og er tað Einherjar. Fyrsta fjepparaferð hjá Einherjum var til Svangaskarð. Um 60 fjepparar settu veruliga sín serliga dám á dystin, og kundu eftir síðsta bríksl gleðast yvir javnleikin (Mynd: Asta Midjord)

Á vøllinum vóru okkara garpar við undirlutan, í fyrra hálvleiki á Toftum leygardagin. men soleiðis var ikki á áskoðaraplássunum, tí har áttu Einherjar Svangaskarð. Tað hoyrdist næstan ikki eitt einasta B68 fjepp, í øllum larminum frá ágrýtnu áskoðarunum úr Suðuroynni. Um tað var hetta, sum dreiv beiggjarnir á vøllinum framá, skal undirritaði lata standa ósvarað. Men hvussu er og ikki, so mentust leikararnir rættuliga nógv, og annar hálvleikur var í veruleikanum, eitt langt TB álop. 1-1 javnleikurin var tískil sera uppiborin, og hann hevur við sær, at TB hálaði seg upp um NSÍ, nú Effodeildin fer í summarferiu í tríggjar vikur.
Les meira

Myndir frá fyrsta fjepparatúrinum hjá Einherjar

1. juli 2012 |

Myndir frá fjeppara túrinum kunna síggjast á mínum facebook profili. https://www.facebook.com/media/set/?set=a.10150876658476741.401426.592056740&type=1&l=b2ffdca252

Les meira

Beinleiðis: B68 – TB

30. juni 2012 |

Niels Petersen og Lasse Weihe eru til reiðar á Svangaskarði, har teir fara at útvarpa dystin millum B68 og TB, sum er seinasti dystur áðrenn summarsteðgin. Tit kunnu lurta niðanfyri.

2. hálvleikur LIVE: [spreaker episode_id=1198717 type=mini width=100% color=e8e8e8 autoplay=false]

Koyr á … Les meira

TB styrkir sær hópin

28. juni 2012 |

Nenad Stankovic hevur drúgvar royndir í teimum fimm føroysku feløgunum, hann higartil hevur umboðað. Hann hevur spælt 187 dystir, og skotið 12 mál, og nú er hann TB leikari (Mynd: faroesoccer.com)

Undan kappingini í Effodeildini, sum TB vann sær luttøku í, við allar síðsta mandati, bleiv aldursforsetin í føroyskum fótbólti, ikki spáddur so góða lagnu í ár. Hetta tykjast tvøramenn ikki hava lurtað eftir, og hava heldur hinvegin bart seg framá, og hava tikið fleiri lið á bóli. Tað sær út sum, at TB hava ætlanir um, at verða verandi í bestu deildini. Í vikuni er sáttmáli undirskrivaður við enn ein leikara, sum skal vera við til, at tryggja okkum framhaldandi luttøku, har tað er stuttligt at vera við. Eisini skal hesin vera við til at tryggja, at okkara ungu leikarar fáa lært eina rúgvu, og við tíðini, gerast meira klárir til stóru uppgávurnar í Effodeildini. Leikarin, talan er um, er navnframi serbiski miðvallarin, Nenad Stankovic.
Les meira

Fjepparafelag verður stovnað

20. juni 2012 |

Tvøroyrar Bóltfelag hevur altíð verið nakað heilt serligt, og tað livir í best hugsandi umstøðum í løtuni. Felagið hevur fingið gomlu karmarnar á Sevmýri skiftar út, við snotuligar karmar inni i Trongisvági. Gamaní er nýggja TB húsið ikki bygt enn, … Les meira

13. juni var stórur Grassrootsdagur við Stórá

18. juni 2012 |

Aftur í ár, eydnaðist TB og lærarum á Tvøroyri, at fyriskipa eitt framúr gott Grassroots tiltak í Trongisvági. Knapt 200 fólk tóku lut í væleydnaða tiltakinum (Mynd Annika Eidesgaard)

Í fjør, skipaði Tvøroyrar Bóltfelag, saman við lærarum í Tvøroyrar – og Trongisvágs Skúla, fyri stórum degi, halgaðum fótbólti, og gleðini, hendan vakra ítróttargrein gevur okkum øllum. Tiltakið eydnaðist sera væl, og tá Fótbóltsamband Føroya, aftur í ár, heitti á fótbóltsfeløgini kring landið, um at skipa fyri einum líknandi tiltaki, fall tað okkum rættuliga lætt, at ganga teimum á møti.
Les meira

TB vant burturúr FC Suðuroy

15. juni 2012 |

At Gilli Sørensen var smílandi í dystinum móti grannunum úr Vági, er onki at siga til. 3-0 sigurin var sera uppiborin (Mynd: Turið Vestergaard í Dali)

Hjá TB hevur gingið rættuliga gott í Effodeildini higartil. Teir hava skapt sær ein veruligan varða, inni við Stórá í Trongisvági, og tað hevur rokkið til fleiri sera góð úrslit. Ónskvøldið vóru grannarnir úr FC Suðuroy á vitjan, og hevur tað gingið gott hjá TB higartil, so er støðan hjá gestunum ørðvísi. Teir høvdu, undan oyggjabrakinum, bert fingið trý stig á kontuna, og bert skorað trý mál í 11 dystum. Tað lá tí í luftini, at TB fór at vera við yvirvág, og tað hendi so sannuliga eisini. TB vann ein sera greiðan og væl uppibornan 3-0 sigur, sum ikki var eitt einasta mál ov lítil.
Les meira

Oyggjabrakið verður kl. 19:00 við Stórá

13. juni 2012 |

Adrenalinið byrjar at ávirka kroppin, tú er spentur, og fer hug at smílast, og kanska smáfnisar, tá onkur bara nevnir eitthvørt um oyggjabrakið. FØLA TYKUR TAÐ??

Klokkan 19:00 bresta TB og FC Suðuroy saman við Stórá. Dysturin hevur ØÐILIGAN … Les meira

Stovnandi fundur fyri TB-Fjepparar

12. juni 2012 |

TB er væl koyrandi í ár og hava vit millum annað fingið ein nýggjan vakran vøll, og ikki at gloyma, so eru vit í Effodeildini og hava staðið okkum sera væl higartil.

Grundað hesum, so verður nú skipað fyri einum … Les meira

TB stjólu ein javnleik suður við

11. juni 2012 |

Ivan bjargar størsta møguleikanum hjá ÍF í fyrsta hálvleiki, og eftir hetta skuldi næstan gandur til, fyri at sleppa framvið sterka serbanum hjá TB (Mynd Norðleif W. Holm)

Eftir at hava verið lagdir undir stórt trýst frá fuglfirðingum, megnaði TB, so dánt, at halda sær til hálvleiks. Var tað ikki fyri ein framúrskarandi vælspælandi Ivan Stojkovic í TB málinum, so kundi verið illa statt, longu tíðliga í dystinum. Í seinna hálvleiki gekk betur hjá vertunum, og tá TB eisini fingu ein leikara vístan av vølli, sá mótbrekkan brøtt út hjá tvøramonnum. Men tú skal, eins og við týskinum, aldrin undirmeta TB. Tvøramenn umskipaðu seg, og blivu nógv vandameiri. Var eydnan størri, kundi stuldurin í Fløtugerði verið enn grovari. Hvussu er og ikki, so endaði við 1-1 javnleiki, og tað er eitt úrslit, ið tvøramenn ivaleyst eru glaðari yvir.
Les meira

Fótbóltskúlin verður aftur í ár

1. juni 2012 |

Tórsdagin 7. juni, verður endaliga staðfest, hvussu ársins útgáva av fótbóltskúlanum hjá Tvøroyrar Bóltfelag fer at síggja út. Sera sera nógv hevur verið at gjørt hjá ungdómsdeildini í vetur og fram til nú, og stundir hava ikki verið, til at … Les meira