Image Image Image Image Image Image Image Image Image Image
Scroll to top

Top

Fótbóltur

Greinar viðvíkjandi fótbóltsdystir í felagnum.

Sundalagsmenn løgdu seg á odda

29. mai 2012 |

Arnbjørn Hansen var ein støðug hóttan, men tá Dmitrije varð fluttur fram í álopið, bleiv pláss til aðrar kvikar sundalagsmenn, so sum Leif Niclasen, ið skoraði øll trý málini hjá gestunum (Mynd: Astrid Vestergaard)

EB/Streymur hava seinastu umførini veruliga fingið vind í seglini í Effodeildini, eftir eina laka byrjan. Teir hava innheinta munin upp til Víking, og í dag, eisini lagt seg fram um teir. 3-0 sigurin á TB við Stórá í dag, var uppiborin, men longi stóð tó javnt á. Bæði liðini høvdu sínar stórar møguleikar, og tá TB so byrjaði at fáa fleiri møguleikar, slógu sundalagsmenn til, og so bleiv uppgávan torfør hjá TB, sum máttu satsa fram eftir. Gestirnir fingu tvey mál afturat, við kontrafótbólti av allar hægsta kvaliteti. Nýggja oddaliðið er avgjørt best skipaða lið, ið higartil hevur vitjað við Stórá.
Les meira

Sundalagsmenn er næstir

27. mai 2012 |

HB fekk veruliga TB koyrilin at føla í 9. umfari. Spennandi verður at síggja, hvussu sundalagsmenn ætla at steðga máltevinum hjá Bojan Timic. Vandamikli serbin hevur higartil skotið 4 mál fyri TB

Sundalagsmenn, sum hava gjørt sær dælt av, at oddaliðið, Víkingur hevur snávað seinastu umførini, skulu í morgin royna at fáa nakað burturúr sera trupla útidystinum móti TB. Sundalagsmenn liggja undan 10 leikumfari á næstovasta plássi, so teir hava avgjørt brúk fyri einum útisigri. Hjá TB ræður tað hinvegin um, at halda fram við góðu gongdina, serliga á heimavølli. TB er ikki til at nerta á nýggja vøllinum við Stórá, og so er stóri spurningurin, um EB/Streymur kann gera nakað við hagtølini. Dysturin byrjar kl 15, og fjepparar okkara uttanlands, kunnu sjálvandi lurta eftir dystinum á TB heimasíðuni.
Les meira

Raske drenge HB at vinde, det er vor lyst

20. mai 2012 |

TB rann HB um koll við Stórá, og sigurin var ruddiliga uppiborin

Sum kolandi ódn, komu TB álopini ýlandi móti HB málinum. Hjá havnamonnum ráddi bert um, at halda fast, skuldu teir ikki blíva blástir líka út í høllina. TB fekk longu mál eftir fimm minuttum, og so var grundarlagið lagt, fyri søguliga sigrinum móti HB. TB vann, fult uppiborið, 4-2 við Stórá í dag. Hetta er triðji dystur hjá TB við Stórá,  og allar hevur TB vunnið.
Les meira

Seinkaða dystarfrásøgnin

16. mai 2012 |

Sterki verjuparturin ávirkar álopspartin, og nú byrjar at síggja sera væl út hjá TB.

TB leikararnir góvu felagi sínum eina fantastiska føðingardagsgávu, og eina best møguliga upptakt til stóru føðingardagsveitsluna leygarkvøldið, tá teir vunnu ein væl uppibornan 3-1 sigur á B68. TB átti munin frá byrjan, og bert eina løtu móti endanum av dystinum, megnaðu gestirnir at leggja TB undir trýst. Við sigrinum hálaðu TB seg enn eitt pláss upp eftir stigatalvuni, og eru nú á einum sjeynda plássi.
Les meira

Sevmýri kemur okkum til hjálpar

8. mai 2012 |

Frá byrjan, hevur Sevmýri verið tryggi karmur barnara, og leygarmorgunin verður vøllurin aftur fullur av lívi, tá ein rúgva av børnum fara at kappast og stuttleika sær á gamla leikvøllinum. (Mynd: Bárður Hansen)

Komandi vikuskifti verður stovningardagurin hjá TB hátíðarhildin á Tvøroyri. Nógvur fótbóltur er sjálvandi á skránni, umframt annað. Dystirnir verða so nógvir, at nýggi vøllurin við Stórá ikki rúmar øllum dystunum, men TB hevur enn ræðið yvir vøllinum  á Sevmýru, og verður hann tískil tikin í brúk aftur leygarmorgunin.
Les meira

Javnleikur í truplum útidysti

8. mai 2012 |

FC Suðuroy leikararnir vóru sera grammir, tá teir leygardagin tóku móti grannunum úr TB. Sum dysturin leið, kom TB tó fyri seg (Mynd: Eileen Sandá)

FC Suðuroy og TB samdust leygardagin um 1-1 javnleik, men so var tað ikki meira, ið liðini samdust um. Dysturin fer neyvan í søguna fyri gott fótbóltspæl, men hvat spenningi og intensiteti viðvíkur, har væntaði avgjørt onki.
Les meira

Landslið á vitjan við Stórá í dag

7. mai 2012 |

Fyrsta barnakappingin og fyrsta landsliðsvenjingin við Stórá, og bæði vóru væl eydnaði (Mynd: Andre Dalfoss)

Fyrsta kapping fyri U-8 dreingir varð hildin við Stórá í dag, og umframt nógvu dystirnar har, so var tað heilt serliga við degnum í dag, at eitt av ungdómslandsliðunum var á vitjan. Hetta er fyrsta ferðin eitt landslið vitjar nýggja vøllin, og venjingarnar gingu av tí allar frægasta. Venjingin í Suðuroynni er fyrsti liður í fyrireikingunum til U-17 Norðurlendsku Meistraraheitskappina í august mánaði.
Les meira

Røður og myndir frá hátíðardegnum við Stórá

1. mai 2012 |

Elsti limur í TB, er 88 ára gamli Kristian Olsen, og hann fekk heiðurin at sparka fyrsta sparkið, og harvið innvíga nýggja vøllin við Stórá (Mynd: Bjarni Nygaard)

Tvøroyrar Hornorkestur, undir leiðslu av Trónduri Enni løgdu fyri við framúr góðum horntónleiki, tá Tvøroyrar Bóltfelag kundi hátíðarhalda innvígingina av nýggja vøllinum við Stórá sunnudagin. Karmarnar vóru teir bestu inni í ítróttarhøllini í Trongisvági, so avgerðin um, at flyta tiltakið frá nógva regninum, inn undir lonina á høllini, var løtt at taka. Fyrst á skránni vóru røður, og síðani var leskiligt ábit at fáa, aftur við einum kaffimunni, áðrenn farið var vestur á nýggja leikvøllin, har elsti limur í TB, Kristian Olsen sparkaði fyrsta sparkið. Dagurin var sera væl eydnaður, tá man hugsar um veðrið, og vit leggja her røðurnar út, umframt frálíkar myndir, sum Bjarni Nygaard hevur tikið.
Les meira

TB vann debutdystin við Stórá

29. apríl 2012 |

Dmitrije Jankovic bleiv dagsins maður, tá hann stýrdi verjuni við stórum hegni, umframt at hann eisini skoraði sigursmálið (Mynd: Turið Vestergaard í Dali)

Við einum kanón arbeiðsinnsatsi í verjupartinum, koppaði TB teimum reyðkløddu fuglfirðingunum, tá fyrsti dysturin á nýggja leikvøllinum við Stórá bleiv spældur í dag. Hóast ÍF átti at kalla alt spælið, dystin á tamb, so fekk TB vart einsamalla málið, sum teir megnaðu at skora longu tíðliga í dystinum. ÍF royndi og royndi, men tað skuldi stór orka til, fyri at sleppa framvið stinnu TB verjuni, og so vóru gestirnar ikki serliga neyvir heldur. Dagsins maður var heilt víst Dmitrije Jankovic, ið spældi ein framúr dyst í verjuni, umframt at hann eisini skoraði avgerandi málið í dystinum.
Les meira

Seks mál og tvær útvísingar

25. apríl 2012 |

Bjørgvin var ein støðug hóttan móti B36 verjuni, og tey tvey málini hann fekk, hevði hann væl uppiborið

Tað bleiv ein undirhaldandi fyrsti dystur á nýggja vøllinum við Stórá í dag. U-16 liðini hjá TB/ROYN og B36 vístu í løtum gott spæl, og vit fingu heili seks mál og tvær útvísingar í dystinum.
Les meira

U-16 spæla fyrsta dystin við Stórá

25. apríl 2012 |

300 setur eru í dag sett upp við Stórá, og nógvir mans hava ótroyttiliga tuskað runt, so vøllurin kann góðkennast til Effodeildardystin sunnudagin (Mynd: Astrid Vestergaard)

Ónsdag, 25.apríl er ein hátíðarligur dagur hjá Tvøroyrar Bóltfelag. Ikki bert er tað flaggdagur føroyinga, men tað, ið fyllur mest í huganum hjá okkum fjepparum er, at nýggi leikvøllurin hjá TB verður tikin í nýtslu á fyrsta sinni. Nógvar venjingar hava verið á vøllinum síðstu vikurnar, men í dag verður so fyrsti landskappingardystur spældur við Stórá. Heiðurin at spæla hendan fyrsta dystin, fáa U-16 liðini hjá TB/ROYN og B36, og byrjar hann kl 14. Hetta er síðsti dystur í bólkaspælinum hjá U-16 dreingjunum, og skuldi tað gingið heilt væl hjá okkara ungu gørpum, so kunnu teir spæla seg upp í A-bólkin. Seinastu úrslitini hava lagað seg væl hjá okkara, og tí er spenningurin stórur undan dystinum.
Les meira

TB stóð royndina við Djúpumýru

23. apríl 2012 |

KÍ fann ikki lykilin til at opna stinnu TB verjuna. Óli Johannesen hevði hann í lummanum (Mynd: Norðlýsið)

TB var leygardagin á vitjan hjá KÍ, og hóast hagtølini tey seinastu árini talaðu fyri einum sigri til heimaliðið, so megnaðu uppflytararnar at stjala eina stigið suður við aftur. Dysturin var merktur av stórum spenningi og risa møguleikum, sum bæði liðini tó onkursvegna megnaðu at misnýta. TB stillaði við krútsterku Óla Johannesen og Dmitrije Jankovic í miðverjuni, og aftanfyri teir var Ivan Stojkovic, sum nokk má sigast at spæla sín lívs dyst. Samanlagt var hetta ov møtimikil uppgáva fyri KÍ, sum ikki kláraðu at bróta roynda og kompakta verjumúrin. KÍ var vandameiri av liðunum, men TB hevði eisini nakrar heilt stórar møguleikar. Mál komu ikki í dystinum, og TB kundi sostatt fegnast um síni fyrstu stig í Klaksvík, síðan í 1995. Stigið er tað seinna í kappingini hjá TB í ár, og við hesum, hálaðu okkara seg upp av niðastu rók.
Les meira

Dystir um vikuskiftið

18. apríl 2012 |

Hanus Mortensen kann gerast lykilin, sum vit opna KÍ verjuna við . Hann hevur spælt væl, síðan hann fekk møguleikan, og kann brúkast á fleiri plássum á liðnum. Aðrir spennandi leikarar eru tó eisini klárir til at taka av.

Nú ymsu kappingarnar av álvara eru byrjaðar, stendur enn eitt vikuskifti, við einari rúgvu av dystum, fyri framman. Enn eru U-8 og U-10 hjá gentum og dreingjum ikki byrjaði, men øll hini liðini hjá ungdómsdeildini kappast leygardagin, umframt at 3.Deild, 2.Deild og Effodeildin eisini skulu spæla sama dag. Orsøkin til at eisini Effodeildin spælur leygardagin er tann, at 2. umfar av Løgmansteypakappingini verður spælt ónsdagin. FSF hava sostatt tikið hædd fyri hesum, og lagt fimta umfar av Effodeildini til leygardagin.
Les meira

Gentubørn vandu á fyrsta sinni í dag

17. apríl 2012 |

Ótrúliga hugaligt var tað í dag, at síggja so nógvar fittar U-8 og U-10 gentur møta til sína fyrstu venjing við Stórá. Heili 18 fitt sníð møttu upp, og tað, hóast fyrireikingarnar til árligu fimleikaframsýningina eru í hæddini hesa vikuna. Framsýningin verður leygardagin, og vit vita um fleiri gentur, sum fyrst ætla at fáa fimleikin lidnan, áðrenn tær fara í fótbóltskógvar, og oman á frálíka vøllin við Stórá.
Les meira

Meistararnir eru á rættari kós

17. apríl 2012 |

Lukasz Cieslewicz er ein framúr bóltspælari, men málini hann fekk á Eiðinum, manglaðu bara gávupappír uttaná. Í Klaksvík vænta vit meira av okkara gørpum, sum hóast alt royndu at kempa

Eftir eina varna byrjan, har TB trýsti gestirnar høgt uppi á vøllinum, komu B36 fyri seg, sum minuttirnar gingu, og tá hálvur tími var spældur, fingu teir ræðið á miðjum vølli. Hetta var eitt umráðandi tíðspunkt í dystinum, tí frá hesari løtu, blivu meistararnir veruliga vandamiklir. Tað skuldi eisini eydnast teimum at leggja seg á odda bæði 1 og 2-0, áðrenn TB fekk eitt sindur av spenningi í aftur. Hesin spenningur bleiv tó skjótt kvaldur, og so kundu gestirnar spáka ein tryggan 4-1 sigur heim til Havnar. Tað er lítil munur á liðunum í Effodeildini, men tá tey minnu royndu ikki spæla upp til síni bestu evni, tá sæst hesin munurin rættuliga væl. Hetta var júst ein av teimum keðiligu dystunum, har ikki serliga nógv gekk eftir vild, og tí gjørdist munurin tann, sum hann mátti blíva. Hendan innsatsin eiga vit skjótt at gloyma, og herja á aftur leygardagin, tá vit vitja við Djúpumýru í Klaksvík.
Les meira

Hvar vitja føroyameistararnar

11. apríl 2012 |

Nýggi vøllurin við Stórá sær, sum vera man, sera snøggur út, og leikararnar lótu avbera væl at honum til fyrstu venjingina (Mynd: Astrid Vestergaard)

Sunnudagin skal TB taka móti B36, í fjórða umfari av Effodeildini.  Flest øll vóna, at nýggi vøllurin, sum nú er liðugur, kann hýsa hesum spennandi dysti. Arbeiðið at gera húsið við vøllin byrjar skjótt, og Tvøroyrar Bóltfelag vónar, at stoltleiki teirra sleppur at innvíga nýggja vøllin sunnudagin. Dystast skal móti Føroyameistarunum úr Havn, og tað hevði verið ein heiðurlig byrjan, á hendan nýggja kapittilin í ríku søguni hjá TB. Skal tað spælast við Stórá, so er kravið tó, at Fótbóltsambandið vísir góðvilja, og gevur undantaksloyvi, til húsið og sitipláss standa klár. Kemur onki undantaksloyvi, noyðist TB framhaldandi at spæla í Vági, hóast teir hava nýggjasta og besta vøllin í landinum.
Les meira

Dystir komandi vikuskifti

11. apríl 2012 |

Flestu kappingarnar eru byrjaðar, og tí eru nógvir dystir, sum skulu avgreiðast hvørt vikuskifti. Hesaferð eru fleiri av okkara yngstu liðum norðanfjørðs, meðan teir eldru allir spæla á heimavølli. Dystarskráin fyri komandi vikuskifti sæst niðanfyri.
Les meira

HB slapp víðari

11. apríl 2012 |

HB megnaði betur enn okkara, at umseta sínar møguleikar til mál. Hatta mugu vit blíva raskari til

Fyrsta umfar av ársins Løgmansteypakapping bleiv spælt í gjár, og TB hevði vitjan av HB. Fyrstu løtuna blivu havnamenn trýstir langt aftur, men teir mentu seg tó, sum minuttirnar gingu. Í mun til TB so vóru gestirnar serstakliga beinraknir, tá tað kom til at gagnýta teirra møguleikar. Tvær ferðir komu havnamenn til opnar møguleikar í fyrsta hálvleiki, og báðar ferðir fingu teir mál. Í øðrum hálvleiki var tað HB, sum var meira spælstýrandi, meðan TB hevði trupult at halda lok á Símuni Samuelsen á vinstra borði. Tá síðsta bríksl ljóðaði, hevði HB vunnið seg víðari í Løgmansteypakappingini, við einum uppibornum 3-1 sigri. Einsamalla málið hjá TB, kom í yvirtíðini, og tað syrgdi bert 16 ára gamli Poul Ingason fyri.
Les meira

TB-Studio streamar steypadystin

7. apríl 2012 |

Møguleikar fara at koma, tað er onki at ivast í, og so ræður um at gagnýta teir. Vilja tit veruliga vinna, so gera tit tað eisini!!!

Annan páskadag spæla TB Løgmansteypadyst móti HB í Vági. Bæði liðini fingu fríkort í innleiðandi umfari, og spæla sostatt sín fyrsta dyst í kappingini mánadagin. Hvussu er og ikki, so verður tað stuttligt, aftur at síggja bestu liðini hjá TB og HB dystast aftur, og fyri at merkja dagin við onkrum serligum, so hava TB-Studio ætlanir um, at fara til Vágs at siga lurtarum frá dystinum. Mong eru, ið ikki sleppa at síggja hendan dyst, og nú fáa hesi møguleikan gjøgnum TB heimasíðuna. Dysturin byrjar kl. 16, so tuni inn og lurtið.
Les meira

TB kláraði tað aftur við Margáir

5. apríl 2012 |

Í verjuni var Óli Johannesen sera stinnur, og saman við Dmitrije Jankovic, helt hann sundalagsmonnum burtur av vandaleið (Mynd: Birita Hansen - NSÍ)

Tveir minuttir inni í yvirtíðini tryggjaði Bojan Timic okkum 1-1 javnleik móti EB/Streymi í dag. Tað tóktist, sum um at søgan endurtók seg frá síðsta leikumfari í 1. Deild í fjør. Tá tryggjaði Bojan okkum uppflytingina til Effodeildina, við at skora við brotsparki í yvirtíðini. Tá 90 minuttir vóru spældir við Margáir í dag, var støðan 1-0 til EB/Streym. Okkara mundu sostatt royna at jakstra útjavnandi málið í yvirtíðini. Við 10 móti 11, hepni, dugnasemi og øgiligum vilja megnaðu okkara at trýsta seg fram eftir vøllinum, og mín sann, um ikki vit fingu bortspark í yvirtíðini. Aftur varð Bojan settur at skjóta, og sum hann er vanur við, hamraði hann bóltin í netið, og so hevði TB vunnið sær sítt fyrsta mál og stig í Effodeildini.
Les meira