Image Image Image Image Image Image Image Image Image Image
Scroll to top

Top

Fótbóltur

Greinar viðvíkjandi fótbóltsdystir í felagnum.

Ársins veitsla – Keypið atgongumerkir í Effo

23. mars 2012 |

13. mai 2012 kann Tvøroyrar Bóltfelag at hátíðarhalda 120 ára føðingardag sín, og í hesum sambandi verður ein rimmar TB veitsla hildin í høllini í Trongisvági, leygardagin tann 12. mai. Atgongumerkir til hesa stóru veitslu fáast til keyps í Effo … Les meira

Dreingjaliðið byrjar í Hvalba leygardagin

23. mars 2012 |

Dreingjaliðið hjá TB/Royn byrja kappingarárið 2012 við heimadysti móti HBb í Hvalba leygardagin kl 12. Sveinbjørn Danielsson og Jón Johannesen hava vant dreingirnar í vetur, og tað verður spennandi at síggja, hvussu hesir ungu garpar fara at roynast í kappingini. … Les meira

Ein vika eftir

18. mars 2012 |

Vit mugu verða væl skipaðir, og berjast fyri hvønn einasta bólt

Sunnudagin 25. mars 2012 er dagurin vit øll bíða spent eftir, tí tá tørnar okkara kæra TB út aftur í bestu deildini. Bíðitíðin hevur verið drúgv, men nú vit eru har, eru vit øll sera spent um, hvussu tað man fara at gangast okkara hetjum. Málið má í fyrstu atløgu vera, at vit megna at halda okkum í deildini. Hendan uppgáva verður ikki løtt, men um mett verður út frá stødd og dygd á hópinum, eigur hald at vera í eini ávísari vón fyri, at tað fer at eydnast okkum.
Les meira

TB verður umboðað í stórsteypadystinum

14. mars 2012 |

Tað verða neyvan hesar blusurnar, dómararnir fara at nýta leygardagin, men hon er nokk innanfyri hjá tveimum av teimum

Seinastu árini hevur Stórsteypadystur verið spældur, áðrenn landskappingin byrjar. Soleiðis verður eisini í ár, tá meistararnar úr B36 møta steypavinnarunum úr EB/Streymi. Tað er Fótbóltssambandið, ið saman við Lions Club Føroyar, skipar fyri Stórsteypadystinum, millum meistaran og steypavinnaran frá seinasta kappingarárið. Ágóðan av dystinum letur Lions Club til vælgerandi endamál. Dysturin verður spældur í Gundadali á ovara vølli, leygardagin 17. mars, kl. 16:00.
Les meira

TB spælur í Vági í annaðkvøld

13. mars 2012 |

(Mynd: Ólavur Frederiksen)

Fyri aðru ferð í ár, skulu TB møta FC Suðuroy í venjingardysti. Dysturin er ein av teimum seinastu í røðini av venjingardystum, sum í ár hava eydnast rættuliga væl. Mótstøðan hevur mangan verið góð, og tí hevur venjarin fingið eina rúgvu burturúr leikarunum. At tað úrslitaliga eisini, sum oftast, hevur gingið væl, ger støðuna neyvan verri.
Les meira

Gilli og Gunnleif skrivaðu undir í kvøld

13. mars 2012 |

Nógvir venjingardystir eru spældir higartil, og hóast tað ikki hevur gingið heilt gott í øllum dystunum, so eru menn væl nøgdir við fyrireikingarnar til kappingarárið. Hópurin er breiður, og er ein blanding av royndum og ungum leikarum. Allir tykjast klárir til at takla ta stóru uppgávu, sum fótbóltur á ovastu rók má sigast at vera. Í kvøld tryggjaði TB sær teir báðar evnaríku leikararnar, Gilla Sørensen og afturvenda Gunleif Olsen afturat.
Les meira

TB megnaði 2-2 móti føroyameistarunum

5. mars 2012 |

TB var leygardagin á vitjan í Gundadali, fyri aðru ferð í ár. Hesaferð var mótstøðuliðið var meistararnar frá í fjør úr B36. Munurin á meistarum og uppflytarum sást tó ikki so heilt greitt, tí hóast B36 hevði leikliga yvirvág, so … Les meira

TB skal leika vinardyst móti B36

2. mars 2012 |

TB fer í morgin norður um fjørð at leika enn ein venjingardyst, sum liður í fyrireikingini til komandi kappingarár. Dystast skal aftur í Gundadali og hesu ferð er mótstøðuliðið meistararnir frá síðsta kappingarár, B36. TB hevur sum tað nýggjasta fingið … Les meira

TB ger stuðulsavtalur

2. mars 2012 |

Frá vinstru : Jón Danielsen (Articon) og Gudmund Mortensen (NJM), saman við TB leikarum. (Mynd: Bjarni Nygaard)

Í gjárkvøldið gjørdi formaðurin í Tvøroyrar Bóltfelag avtalu við tveir høvuðsstuðlar fyri kappingarárið 2012. Talan er um stóru og kendu byggifyritøkuna, Articon, og lokalu søguligu handilsfyritøkuna, N.J. Mortensen. Hesar fyritøkur hava á fundi váttað at gerast høvuðsstuðlar fyri kappingarárið 2012, og koma búmerki teirra sostatt at príða eyðkenda svart-hvíta TB búnan, sum hvørt mansbarn kennir. Júst tað, at felagið hevur so ríka søgu, gevur tí eitt stórt lýsingarvirði, og at tað aftur er á ovastu rók, í Effodeildini ger ikki støðuna verri.

Les meira

Nógvar venjingar yvir vikuskiftið

27. februar 2012 |

Mynd: Guðrun Nystrøm

Í sambandi við at FSF hevur skipað fyri B1-venjaraskeiði í Suðuroynni um vikuskiftið, hava  tað verið ein rúgva av venjingum á Sevmýri og inni í høllini í Trongisvági. Umleið 30 børn, í aldrunum 6-11 ár, blivu vand fríggjakvøldið, leygardagin og aftur sunnudagin, og hóast veðrið kundi verið betur, so var hugurin sera stórur hjá børnunum, sum glað og spent møttu upp. 13 venjarar fingu sunnudagin prógv sum B1 venjarar, og flestu teirra ætla sær at útbúgva seg víðari. Vit í ungdómsdeildini hjá TB ynskja hervið at takka Fótbóltsambandinum fyri skeiðið, og børnunum fyri teirra hugagóðu luttøku.

Ungdómsdeildin
Les meira

TB vann við Løkin

26. februar 2012 |

Fyrireikingarnar hjá TB fyri komandi kappingarár eru í hæddini, og aftur í dag spældu okkara ein venjingardyst. Dysturin í dag var tann triðji í røðini, og dagsins mótstøðulið var NSÍ. Hóast tað var á útivølli, so vóru tað TB sum … Les meira

TB vitjar við Løkin í morgin

24. februar 2012 |

Triðji venjingardysturin hjá TB verður spældur í morgin 25. februar, og hesaferð ferðast okkara inn til Runavíkina, har teir við Løkin fara  at royna formin móti NSÍ. Flestu av okkara leikarum eru væl fyri, men nakrir smásnuddir eru tó, og tí sleppa hesir at hvíla seg. Meginparturin er tó tøkur, og venjarin hevur úttikið sær 18 leikarar at hava norður við. Dysturin verður bríkslaður í gongd kl 12:45.
Les meira

Fimm spennandi leikarar longja

24. februar 2012 |

Heili fimm leikarar longdu í gjárkvøldið við aldursforsetan í føroyskum fótbólti. Fleiri høvdu frammanundan skrivað undir, og nú hesir spennandi leikararnar eru komnir afturat, sær tað út til, at Tvøroyrar Bóltfelag hevur eina ørgrynnu av spennandi leikarum, sum fara at kappast dúgliga um plássini á besta liðnum. Leikararnir talan er um hesaferð, eru Magnar Vang og Hanus Mortensen, sum báðir stóðu seg væl í fjør, hóast skaðar høvdu hug at arga. Og harafturat hevur tað eydnast at fingið knýtt tey trý supertalentini, Poul Ingason, Teitur Olsen og Patrik Johannesen at felagnum.
Les meira

Lutaseðlarnar eru nú drignir

22. februar 2012 |

Yvir veturin hevur Tvøroyrar Bóltfelag selt lutaseðlar, og hóast vinningarnar bara vóru tveir í tali, so vóru teir sera spennandi. Fyrsti vinningur var ein marglætisferð til Turkalands, fyri tvey vaksin og trý børn. Virðið á hesari ferð er kr. 45.000,-. … Les meira

Skrá fyri Bassa Cup

17. februar 2012 |

Skrá fyri Bassa Cup 18 feb. 2012:

Smápiltar 9:30 Piltar 11:45 Smádreingir 12:35 Gentur 13:25 Dreingir 14:15 Unglingar 16.15

Les meira

Árskort eru nú til keyps

14. februar 2012 |

Í londunum kring okkum, hoyra vit ofta um tey sokallaðu árskortini, sum fjepparar hjá feløgunum keypa sær undan kappingarbyrjan. Við slíkum kortum kunnu fjepparar keypa sær rættin til allar heimadystirnar tað givna kappingarárið, og spara sostatt pengar, umframt at teir sleppa frá at baksast við at keypa atgongumerki til hvønn dyst. Sovorðin árskort verða í næstum eisini til keyps á Tvøroyri, tí Tvøroyrar Bóltfelag bjóðar nú sínum fjepparum hendan møguleika.
Les meira

Teknið tykkum til Bassa Cup

9. februar 2012 |

Í morgin, er freistin til at tekna seg til innandura Bassa Cup kappingina í Trongisvági. Kappingin verður leygardagin 18. februar, og fyri at náa at leggja kappingina til rættis, mugu vit hava eina freist fyri tilmeldingunum. Gentur og dreingir kappast … Les meira

Dreingir byrja at venja leygarmorgun

9. februar 2012 |

Dreingjaliðið hjá TB/Royn byrja sína uttanduravenjing leygarmorgunin kl 10:30 á Sevmýri. Leikararnar verða bidnir um at møta í minsta lagi 15 minuttir áðrenn venjingin byrjar. Meira kunning um venjingartíðir fáa dreingirnar til fyrstu venjingina, og seinni verður tað eisini lagt … Les meira

Leygardagin fer TB til Gundadals

8. februar 2012 |

Leygardagin kl. 13 spæla HB og TB venjingardyst í Gundadali. Fyri bæði liðini er tað talan um ungar og spennandi hópar, sum allir eru svangir eftir at fáa nakrar minuttir í beinini. Dysturin leygardagin er tann næsti venjingardysturin hjá TB … Les meira

Breiddin sigraði

5. februar 2012 |

TB spældi ársins fyrsta venjingardyst í Vági í dag, og hóast tað var heimaliðið, ið var á odda 1-0 í steðginum, megnaðu tvøramenn at vinna 3-1. Bæði liðini skiftu nógvar leikarar í steðginum, og tí var tað ikki so lætt … Les meira