Image Image Image Image Image Image Image Image Image Image
Scroll to top

Top

Fótbóltsskúlin

Fyri 18. ferð skipar Tvøroyrar Bóltfelag fyri fótbóltsskúla. Undirtøkan hevur verið góð øll árini og roynt hevur verið at ment skúlan árliga við millum annað útlendskum íblástri. Útbúnir venjarar og góð hjálparfólk verða eisini til allir aldursbólkar.

Um fótbóltsskúlan 2020

Dato

Byrjar: Ónsdag 12.08.2020 kl 11:00 (30 min. aftaná Smyril er komin til Tvøroyrar)

Endar: Fríggjadag 14.08.2020

Skúli

Skúlin er fyri børn / ung í árgangunum U7 til U15.

Fótbóltsøki

Vøllurin við Stórá, ítróttarhøllin, FIFA vøllurin við skúlan.

Aldursbólkar

Luttakarnir verða bólkaðir í aldur, dygdir og styrki fyri at fáa sum best burturúr og verður tað tikin hædd fyri tí einstaka luttakaranum. Vit loyva okkum at flyta spælarar til ein annan bólk um hetta skuldi verið neyðugt.

Málmenn

Málmenn luttaka á fótbóltsskúlanum við somu venjing sum aðrir luttakarir, tó í spæli móti máli, verður málmaðurin í málinum. Við luttøku kann viðmerkjast at luttakarin er málmaður.

Taskur, drekkidunkar o.a.

Allar taskur og drekkidunkar skulu hava luttakaranavn á, soleiðis at tað verður lættari at halda skil á.

T-shirt

Tá ið tú meldar til fótbóltsskúlan, verður tú vinarliga biðin um at skriva stødd á t-shirt. Tað er ikki møguligt at broyta stødd, aftaná at bíleggingin er framd av fótbóltsskúlanum. Støddirnar eru: 4-6 / 8-10 / 12 / XS / S / M / L / XL / XXL-XXXL.

Luttakarapakki um luttakarin ikki fær møtt

Um luttakarin av onkrari orsøk ikki fær møtt til fótbóltsskúlan, er tað framvegis møguligt at fáa luttakarapakkan við at avheinta hann við Stórá ella senda mail og avtala nærri.

Fyrireiking

Tað er sera umráðandi at luttakarnir eru úthvíldir og hava fingið ein heilsugóðan morgunmat áðrenn møtt verður um morgunin. Hetta fyri at fremja bæði koncentratión og orku, og fyri at fáa tað bestu upplivingina.

Matur

Døgurði verður borðreiddur allir dagarnir og møguleiki er eisini at keypa sær morgunmat og nátturða. Luttakarin er eisini vælkomin at hava egnan matpakka og frukt við.

Vit vænta

  • At tú ert hugaður til at læra og verða saman við øðrum.
  • At tú ert virkin.
  • At tú ert koncentreraður so leingi venjingin er og ikki órógvar venjingina.
  • At tú ert ílætin eftir veðrinum og hevur møgulig skiftiklæðir við.
  • At tú hevur drekkidunkin við allir dagarnir sum tú fekst tann 1. dagin.
  • At tú fert væl við økinum.
  • At tú skikkar tær væl ímóti øðrum.
  • At tú lurtar væl eftir venjarunum.

Trivnaður

Vit vænta at øll tosa pent og virðiliga við hvønn annan fyri at skapa eitt so gott og trygt umhvørvi. Vit góðtaka ikki happing og verður gjørt vart við hetta, verða foreldrini boðsend.

Annað

  • Um barniđ hjá tær skal avstað áðrenn dagurin er liðugur, kunnu tit avtala hetta við venjarin um morgunin og síðani siga frá tá barniđ fer.
  • Um ting og klæðir eru gloymd eftir, verður hetta samla saman og goymt inni í TB-húsinum. Seti tykkum í samband við ein av fyriskiparunum um hetta.
  • Foreldur og avvarandi eru vælkomin at verða til staðar meðan fótbóltsskúlin er, men verða vinarliga biðin um at halda seg frá vøllinum meðan vant verður.
  • Fótbóltsskúlin tekur sær rætt til at taka myndir og sjónband undir venjingini.
  • Luttakarin hevur sjálvur ábyrgd av at tekna trygging við skaða og hevur eisini sjálvur ábyrgd av persónligum viðføri.
  • Við sjúku ella skaða, sum viðførir at luttakarin ikki kann halda áfram við venjingini, seta vit okkum í samband við foreldur/avvarandi og vænta vit at luttakarin verður heintaður.
  • Tað er umráðandi at rætt telefonnummar verður upplýst í luttøkumailinum.

Luttøkugjald og tilmelding

Luttøkugjald
U7-U9: 500 kr frá 01.02.2020
U11-U15: 600 kr frá 01.02.2020

Vinarliga flyt peningin á konto 6460-1754167 og viðmerk navn og føðingardato: dd-mm-áááá á luttakara.

Send síðani ein mail til fotboltsskulin@tb.fo við fylgjandi upplýsingum:

  • Navn
  • Føðingardato (dd-mm-áááá)
  • T-shirt stødd: (4-6 / 8-10 / 12 / XS / S / M / L / XL / XXL-XXXL)
  • Telefonnummar

Tilmeldingarfreist: 15.06.2020

Spurningar kunna setast til

  • Allan Smedemark, 291695

Broytingar

Fótbóltsskúlin tekur sær rætt til at broyta skrá um okkurt skuldi komi í vegin, so sum veðurforsøgnin.