Image Image Image Image Image Image Image Image Image Image
Scroll to top

Top

Futsal-kappingar í vetur

Futsal-kappingar í vetur

| 12/09/13

Undirtøkan fyri fyrstu Futsal-kappingini var so mikið stór, at FSF hevur avgjørt, at kappingarnar verða aftur komandi vetur, og nú eisini fyri gentur. Hesar vóru hildnar í síðsta vetur og nú verður aftur skipað fyri hesum. TB verður í ár við í hesum kappingum.

FSF skrivar víðari um hesa kappingar:

Futsal-kappingarnar, ið Fótbóltssamband Føroya skipaði fyri seinasta vetur, eydnaðust so mikið væl, at avgjørt er at halda fram, og komandi vetur sleppa genturnar eisini at royna seg.

Kappingarnar í 2013/2014 verða fyri Dreingir U12 (árg. 2002-2003), Dreingir U14 (árg. 2000-2001), Dreingir U16 (árg. 1998-1999), Gentur U12 (árg. 2002-2003), Gentur U14 (árg. 2000-2001) og Gentur U17 (árg. 1997-1999).

Í kappingunum hjá dreingjunum verður spælt yvir átta vikuskiftir. Fyrsta umfar verður í KÍ-høllini 2. og 3. november, og finaluumfarið, ið er seinasta umfar, verður spælt í ítróttarhøllini á Eiði 15. og 16. februar 2014.

Hjá gentunum verður spæld yvir fimm vikuskiftið. Lagt verður fyri í høllini á Eiði vikuskiftið 9. og 10. november, meðan seinasta umfar hjá gentunum verður í Hoyvíkshøllini 8. og 9. februar 2014.

Vit fylgja upp um hetta og venda aftur, so hvørt tað er okkurt nýtt hesum viðvíkjandi.

Betri lýsing Faroe Ship lýsing Sport 24 lýsing Smyril Line lýsing Vestpack lýsing NJM lýsing

Viðmerkingar