Image Image Image Image Image Image Image Image Image Image
Scroll to top

Top

Tíðindasavn

Tann perfekta TB jólagávan

15. desember 2012 |

TB arir, okur síggjast (Mynd: facebook)

Í Sportmaster á Tvøroyri ber nú til, at keypa eina ørgrynnu av ymiskum TB souvenirs. Givið, at tað stundar til jóla, er ein av hesum lutum, eitt sera gott boð uppá eina jólagávu. Vørurnar, ið keypast kunnu, eru millum annað trý ymisk sløg av TB turrikløðum, tvey sløg av TB húgvum, TB poloshirt og TB venjingardraktir. Um tit ætla tykkum eina venjingardrakt, mugu tit tó skunda tykkum, tí seinasta freistin til at bíleggja eina tílíka til jólagávu, er í morgin kl 16. Hinar vørurnar eru flestar á lagur. So gleðið tykkara børn ella tykkum sjálvi til jóla, samstundis sum tit stuðla TB.
Les meira

TB venjarin er settur

11. desember 2012 |

Hans Fróði Hansen hevur drúgvar royndir sum leikari í Føroyum, eins væl og uttanlands. Hann hevur eisini spælt 26 landsdystir. Hóast hansara royndir sum venjari ikki eru drúgvar, so trýr nevndin uppá, at Hans Fróði er rætti maðurin. Leikararnir lata eisini væl at, so tað verður spennandi í ár (Mynd: Norðlýsið)

Í eina tíð, hevur tað dúgliga verið gitt, hvør næsti TB venjarin fór at blíva. Starvsnevndin hevur ikki ynskt at gjørt nakrar viðmerkingar, annað enn tað, at fyrrverandi venjarin, Milan Kuljic, ikki fór at halda fram í felagnum. Men nú er nýggjur venjari settur, og afturat honum, eisini ein hjálpari. Maðurin, sum frá síðulinjuni, fer at stýra TB, er 37 ára gamli leirvíkingurin, Hans Fróði Hansen. Hans Fróði bleiv fyrr í vetur eisini settur sum Ítróttarstjóri í TB, so hann verður í stóran mun, ein leiðandi figurur í TB í ár. Afturat Hans Fróða, fer sevmýrisingurin, Karl Øster at hjálpa. Felags fyri báðar hesar venjarar er, at teir hava drúgvar royndir sum spælarar, frá føroysku landskappingini í bestu deildini, umframt at teir kenna styrkir og veikleikar hjá øllum leikararunum í hópinum. TB hevur ein sera spennandi hóp sum er, og áðrenn nýggjár vænta vit, at fleiri av ungu leikarunum skriva undir sáttmála eisini.
Les meira

Fyrrverandi venjari vitjar TB í summar

10. desember 2012 |

Finn Røntved sæst her avmyndaður, saman við sterka TB liðnum frá 1991 (Mynd: TB bókin)

Verður navnið Finn Røntved nevnt, so vita flest øll tvørafólk, hvønn talan er um. Fryntligi danin, sum var venjari hjá besta mansliðnum hjá TB, kappingarárini 1991 og 1992, fall fullkomuliga fyri felagnum og fólkinum í býnum. Hann hevur líka síðan, víst áhuga fyri, og hevur roynt at hildið kontaktir við líka, umframt at hann hevur roynt at fylgt gongdini hjá ymisku liðunum í felagnum. Fryntligi danin er framvegis venjari, og hevur tikið sær av nøkrum ungum dreingjum í Holbæk, seinastu fimm árini, sum hann nú vil vitja okkum við. -TB har givet mig så meget, og hvis jeg på nogen måde kan give lidt tilbage, så gør jeg det gerne, fortaldi vinarligi danin, í samrøðu við undirritaða herfyri.
Les meira

TB styrkir seg við stórum profili

2. desember 2012 |

Ndende skoraði einsamalla málið hjá B68, í 1-1 javnleikinum á Svangaskarði í fjør (Mynd: Álvur Haraldsen – Sosialurin)

Stórur eftirspurningur hevur verið eftir afrikansku kempuni hjá B68, eftir at tað gjørdist greitt, at hann mest sannlíkt vildi halda fram í bestu deildini. Fleiri feløg hava eisini ligið framvið, men dystin um undirskriftina hjá Ndende Adama Guéye, vann TB.
Les meira

Tamur aðalfundur

27. november 2012 |

Savnsmynd av TB búmerkinum

Tvøroyrar Bóltfelag hevði aðalfund herfyri, og hóast tað var rættuliga spennandi, at hoyra um vitjanina hjá Sheffield FC á Tvøroyri í summar, so hoyrdist lítið um leikaratilgongd, og venjaraspurningurin er eisini ósvaraður enn. Fundarfólkið spurdi, sum vera man, um hesi týdningarmiklu mál, men svarið var eintýtt, frá endurvalda formanninum, Andra Dalfoss; -Arbeitt verður við málunum, og meira fæst at vita, um miðjan desember. Fyribils verða tað Hans Fróði Hansen og Karl Øster, ið taka sær av hópinum, til venjarin verður settur, og arbeiðið veruliga byrjar, segði formaðurin í Tvøroyrar Bóltfelag, Andre Dalfoss, sum tók við afturvali á aðalfundi felagsins
Les meira

Tvøroyrar Bóltfelag í spennandi samstarvi

7. november 2012 |

Fyrireikingarnar eru væl í gongd, og framtíðin er av sonnum, sera spennandi hjá Tvøroyrar Bóltfelag (Mynd)

Íslendska stórfelagið FH Hafnafjørður hevur vunnið bestu íslendsku fótbóltsdeildina 6 ferðir, seinastu 10 árini, og hesir eru nú sinnaðir, at taka upp samstarv við elsta fótbóltsfelagið í Føroyum. Samstarvið, vit her tosa um, er eitt nýtt slag av samstarvi, sum fer at geva ungum talentum í TB ein møguleika, til at royndarvenja í Íslandi, og kann hetta gerast teimum ein lopfjøl, longur út í heim. Hví tað júst er í Íslandi, at TB leitar sær samstarv, er ikki nøkur tilvild. Tvøroyrar Bóltfelag hevur søguliga havt nógva og góða kontakt við íslendsku brøður okkara, og mangan hava lið haðani vitjað her, umframt at okkara garpar eisini hava vitjað í Íslandi.
Les meira

Spennandi talentir longja við TB

1. november 2012 |

Fleiri og fleiri skriva undir hjá aldursforsetanum, og framtíðin er sannuliga bjørt

At TB hevur gjørt eitt miðvíst og gott ungdómsarbeiði í nøkur ár, sæst aftur á mongdini av leikarum, ið umboða ungdómslandsliðini. Heili fýra evnaríkir unglingar umboða í løtuni U19 landsliðið, umframt at okur eisini hava ein leikara á A landsliðnum. Tvøroyrar Bóltfelag kann í dag, við stórari gleði, kunngera, at tveir av hesum u-landsliðsleikarum, umframt ein leikari, sum kann fáa sítt veruliga gjøgnumbrot, um álit verður givið honum, hava endurnýggjað sáttmála sín við barndómsfelagið. Fleiri leikarar eru eisini væntandi, komandi dagarnir. Hesar undirskriftir senda ein greiðan boðskap, og hann er, at TB ætla sær okkurt. Broytingar eru hendar á Tvøroyri, og okur tosta eftir sigrum.
Les meira

Til Íslands á venjingarlegu

16. oktober 2012 |

TB hópurin fer at telja um 25 mans, og hvørjir hesir verða, er ikki avgjørt enn. Allir hava sostatt møguleikan til, at imponera, og harvið vinna sær eitt pláss í ferðalagnum (Mynd: Bjarni Nygaard)

Sum liður í fyrireikingunum hjá TB, til komandi kappingarár, fer ein hópur á 25 leikarar til Íslands á venjingarlegu í mars mánaði. Hetta er stutt undan kappingarbyrjan í Effodeildini, og ætlanin er tí, at liðið verður pressað væl, við nógvum venjingum, og venjingardystum móti sterkum liðum. Eitt av liðunum, sum TB skal møta á ferðini í Íslandi, er Breiðablik, sum er gamla felagið hjá ítróttarstjóra okkara, Hans Fróða Hansen. Breiðablik er eitt sera sterkt lið í bestu íslendsku landskappingini, og seinastu árini hava teir vunnið meistaraheitið. So TB hópurin fær seg veruliga royndan á ferðini í Íslandi. Hetta skuldi so eisini havt við sær, at leikararnir eru til reiðar, tá kappingin byrjar her heima.
Les meira

Tíðirnar broytast, og vit broytast við

13. oktober 2012 |

Hans Fróði prátar við nakrar av leikarunum, áðrenn fundin í kvøld (Mynd: Niels Petersen)

Starvsnevndin hjá Tvøroyrar Bóltfelag, saman við nýútnevnda ítróttarstjóra felagsins, Hans Fróða Hansen savnaðu í kvøld allar leikararnir í vaksnamannadeildini til fund. Á fundinum bleiv tikið samanum, júst farna kappingarár, og kunnað varð eitt sindur um, ætlanirnar fyri komandi ár. Heilt fitt av leikarum møttu, og menn vóru enn merktir, av øllum tí positiva frá farna kappingarári. Tað tóktist, sum sat spenningurin enn í teimum, og tí var lagið lætt og gott.
Les meira

Kappingin hjá U12 dreingjum er nú liðug

30. september 2012 |

Avmyndaði børnini eru nøkur av teimum, ið umrødd verða í greinini. Myndin bleiv tikin í Vági fyri trimum ella fýra árum síðani. Tey blíva bert raskari og raskari, so spennandi verður at fylgja teimum framyvir (Mynd: Bárður Hansen)

U12 liðini hjá TB vóru í Gundadali og við Løkin í dag, og ikki kann sigast annað enn, at tað gekk sera væl. Tað vóru heystkappingar á skránni í dag, og tað var samstundis markering fyri, at kappingarárið er lokið. Hetta er ein frálíkur máti til at enda kappingarnar hjá børnunum av við, og at tað verður gjørt nakað serligt burturúr, gevur børnunum ein virðiligan enda fyri árið. Eitt frálíkt átak, ið vit vóna fer at verða fastur táttur.
Les meira

TB longir við tveir leikarir

22. september 2012 |

Fyrireikingarnar eru væl í gongd, til at tryggja okkum ein sterkan og kappingarføran hóp til komandi kappingarár. Spennandi verður eisini at síggja allir teir ungu leikararnir, sum vera eitt ár eldri og enn grammari eftir byrjunarplássi. Framtíðin er av sonnum, sera spennandi hjá Tvøroyrar Bóltfelag (Mynd)

Flaggskipið hjá Tvøroyrar Bóltfelag, Effodeildarliðið hevur nakrar spennandi og avgerandi dystir fyri framman, nú tað bert íresta tríggir dystir av kappingarárinum. TB liggja í løtuni toluliga væl fyri, hvat møguleikanum til, at yvirliva í deildini viðvíkur, og spenningurin er tí stórur, um tað skal eydnast røsku beiggjunum, at røkka málinum, sum var yvirliving, fyrst og fremst. Hóast inniverandi kappingarár ikki er leikt liðugt, eru fyrireikingarnar til komandi kappingarár longu væl ávegis, og í kvøld kann Tvøroyrar Bóltfelag boða frá, at sáttmálarnir við tveir sera týdningarmiklar leikarar eru longdir, so hesir eisini spæla á besta liðnum í komandi ár.
Les meira

TB vóru suverenir

19. september 2012 |

FM vinnararnir eru her avmyndaðir úti í Vika á Argjum. Ovast frá vinstru síggjast: Ásmund Nolsøe, Ingi Mortensen, Jóhannes Magnussen, Georg Kjærbo. Húkandi f.v.: Jógvan Højgaard, Henrik Thomsen, Ronald Robertson og Mortan Petersen (Mynd: Suðurrás)

Við fyrrverandi stórleikarum, kempum úr Sumba, Vági, Hvalba og Runavík og sjálvandi av Tvøroyri, bardi eitt samansett TB lið seg til meistaraheitið í aldursbólkinum 45+. Allir leikarir hava leikt fótbólt stórar partar av teirra lívi, og onkur meira enn aðrir. Tveir á liðnum eru eisini skrásettir fyri landsdystir fyri føroyska A-landsliðið. Hetta var sjálvandi á teirra ungu døgum, men okkurt er enn eftir í gomlu gubbunum. Kappingin í ár var skipað í tvær kappingar, og TB gjørdi ikki mætari enn, at vinna báðar kappingarnar, og kunnu teir sostatt í dag reypa sær av, at teir eru bestu leikararnir í landinum í 45+ aldursbólkinum.
Les meira

TB raKar formin :)

15. september 2012 |

Captain Fantastic, Óli Johannesen var aftur á blettinum í Klaksvík, og sunnudagin vóna okur, at hann hevur savnað beiggjarnir, tá blást verður fyri álopi móti Víkingi (Mynd: Norðlýsið)

Stemningurin á TB liðnum er sera góður í løtuni, og tað tikist, sum at leikararnir aftur trúgva, at teir megna at røkka málinum. Trúgvin á, at tað letur seg gera, er sterk í løtuni, og menn kempa og berjast, sum galt tað um lív. Tað er av sonnum eisini júst tað, sum tað ger. Aldursforsetin er í beinleiðis yvirlivilsisstríði við B68, og um vikuskiftið hálaðu okkara seg upp um toftamenn, eftir at hesir hava ligið frammanfyri nakrar vikur. Bert fýra umfør íresta av kappingarárinum, og á seinasta leikdegi noyðast toftamenn á vitjan á Tvøroyri. Okkara garpar hava nú góðar fortreytir, og tað skal sveittast blóð, áðrenn nakar skal taka møguleikan frá okkum.
Les meira

Tann, ið vil tað mest, klárar tað aloftast

8. september 2012 |

Í størsta mótgangi sæst best, hvørjum karakteri eins leikarar eru gjørdir av. So brettið upp ermar, tí nú skal kempast fyri lívinum (Mynd: Astrid Vestergaard ella Bjarni Nyygaard)

Úrslitini hava gamaní ikki follið okkara veg, seinastu dystirnar, og ymsastaðni byrjar man at hoyra uppgevandi tónalag. Hetta særir mítt bløðandi TB hjarta, sum fult og fast trýr, at barndómsfelagið fer at hóra undan. Kappingin er ikki liðug enn, og tað eru enn fleiri frálíkir møguleikar hjá TB liðnum, til at skaffa sær neyðugu stigini, til at hála seg upp um B68. Fyri ALT í verðini má tað ikki henda seg, at leikarar í hópinum, NAKRANTÍÐ, hugsa tankan, at hetta gongur ikki, og, okur eru ikki góðir nokk, tí tað eru tykur…Og ríkiligt tað eisini. Tað liðið, ið trýr mest, á egnan mátt og megi, tað liðið klárar tað aloftast. So vælsignaði beiggjar, trúgvi uppá hetta, tí okur eru rættuliga nógv, ið stuðla tykkum allan vegin. Tykur ERU góðir nokk, og tykur FARA AT KLÁRA TAÐ !!!
Les meira

TB beit frá sær við Margáir

20. august 2012 |

TB liðið kempaði, sum úlvur á skóg í dag, og blivu akkurát ov stuttir. Tvær ferðir løgdu vit okkum á odda, men tað rakk tó ikki til stig í dag (Mynd: Astrid Vestergaard)

At TB er eitt lið, ið liggur á eina niðurflytingarplássinum, sást á ongan hátt í dag. Allir sum ein, kempaðu tvøramenn, sum villmenn, og løgdu, í stórum pørtum av dystinum, eitt stórt trýst á EB/Streym. Gestirnir av Tvøroyri løgdu seg á odda bæði 1-0 og 2-1, men tíverri var mótstøðan akkurát ov sterk, og heimaliðið dróg longra stráðið móti endanum av dystinum. Hóast hetta, góvu TB leikararnir aldrin upp, og var hepnið við okkum í dag, so fingu vit javnleikin suður við. Soleiðis bleiv tíverri ikki, og EB/Streymur er tí enn ein greiður favorittur til FM heitið.
Les meira

TB er við at reisa seg aftur

11. august 2012 |

Føroyameistararnir fingu ongantíð veruligt tamarhald á dystinum, tí tað vildu TB ikki loyva teimum. Spælfordeilingin var tó havnamonnum til fyrimuns, men mál fingu teir tó ongi (Mynd: Portal.fo)

Eftir tveir syndarligir innsatsir móti KÍ við Stórá, og móti HB í Gundadali, er tað nógv, ið bendir á, at TB er um at finna stevið aftur í Effodeildini. Sunnudagin taptu vit sera tepurt í Gøtu, men tó var liðið sera væl skipað, og varð spælt eftir fair play reglum, so endaði tann dysturin við javnleiki. Í dag blivu vit meira vandamiklir, tá vit lupu á, og kanska skelkaði hetta gestirnir. Hvussu er og ikki, so megnaði TB at halda føroyameistarunum næstan heilt burtur frá møguleikum. Dysturin endaði við málleysum javnleiki. Hetta fær leikararnir at trúgva uppá, at teir aftur kunnu megna at hála tey óvæntaðu úrslitini heim, og tá gerast vit øðiliga farligir. Watch out, TB er á veg!!!
Les meira

120 ára sangurin á YouTube

17. juli 2012 |

Eftir at framúrskarandi sangurin til 120 ára føðingardagin hjá TB hin 13. mai 2012 hevur verið til í eina tíð er stundin komin at spreiða hann via alnótina. Hetta er gjørt eins og við sjálvum TB Bandinum, sum bleiv gjørt … Les meira

TB og Einherjar áttu Svangaskarð

4. juli 2012 |

Nýggja fjepparafelagið hjá TB fekk navn leygardagin, og er tað Einherjar. Fyrsta fjepparaferð hjá Einherjum var til Svangaskarð. Um 60 fjepparar settu veruliga sín serliga dám á dystin, og kundu eftir síðsta bríksl gleðast yvir javnleikin (Mynd: Asta Midjord)

Á vøllinum vóru okkara garpar við undirlutan, í fyrra hálvleiki á Toftum leygardagin. men soleiðis var ikki á áskoðaraplássunum, tí har áttu Einherjar Svangaskarð. Tað hoyrdist næstan ikki eitt einasta B68 fjepp, í øllum larminum frá ágrýtnu áskoðarunum úr Suðuroynni. Um tað var hetta, sum dreiv beiggjarnir á vøllinum framá, skal undirritaði lata standa ósvarað. Men hvussu er og ikki, so mentust leikararnir rættuliga nógv, og annar hálvleikur var í veruleikanum, eitt langt TB álop. 1-1 javnleikurin var tískil sera uppiborin, og hann hevur við sær, at TB hálaði seg upp um NSÍ, nú Effodeildin fer í summarferiu í tríggjar vikur.
Les meira

Myndir frá fyrsta fjepparatúrinum hjá Einherjar

1. juli 2012 |

Myndir frá fjeppara túrinum kunna síggjast á mínum facebook profili. https://www.facebook.com/media/set/?set=a.10150876658476741.401426.592056740&type=1&l=b2ffdca252

Les meira

Beinleiðis: B68 – TB

30. juni 2012 |

Niels Petersen og Lasse Weihe eru til reiðar á Svangaskarði, har teir fara at útvarpa dystin millum B68 og TB, sum er seinasti dystur áðrenn summarsteðgin. Tit kunnu lurta niðanfyri.

2. hálvleikur LIVE: [spreaker episode_id=1198717 type=mini width=100% color=e8e8e8 autoplay=false]

Koyr á … Les meira