Image Image Image Image Image Image Image Image Image Image
Scroll to top

Top

Móttøka við Stórá leygarkvøldið

| 16/05/13

Vallarhúsið við Stórá letur upp alment leygarkvøldið, og ikki fyrst í komandi viku, sum fyrr sagt frá.

Móttøka verður við Stórá leygarkvøldið millum kl. 19.00 og 21.00, og øll eru hjartaliga vælkomin framvið at síggja snotuliga ítróttarhúsið.

Kristin Michelsen, borgarstjóri á Tvøroyri, Anita Vibergsdóttir, forkvinna í mentunarnevnd Tvøroyrar Býráðs, André Dalfoss, formaður í Tvøroyrar Bóltfelag og Charlotta Nielsen, formaður í ungdómsdeildini hjá TB, fara at røða.

Ungdómsdeildin hjá Tvøroyrar Bóltfelag fer í samband við at húsið letur upp alment at handa øllum børnunum í felagnum eina serliga felagsgávu. Tað er ikki eydnast okkum at fáa eina ábending um innihaldið í pakkanum, men sagt verður, at talan verður um eina sera spennandi gávu.

Umframt at vitjandi hava høvi at síggja alt húsið, so verða tey eisini boðin til kaffi, køkur og sunkist.