Image Image Image Image Image Image Image Image Image Image
Scroll to top

Top

Trivaligur útisigur

Trivaligur útisigur

| 13/05/18

Á føðingardegnum hjá Tvøroyrar Bóltfelagi megnaði felagsliðið TB/FC Suðuroy/Royn at vinna heili 3-0 á 07 Vestur.

Gott og væl hálvan veg inni í fyrsta hálvleiki bleiv brotsspark til TB/FC Suðuroy/Royn eftir eina fríssparksroynd har dómarin metti at ein 07 Vestur leikari tók hondina í brúk. Isaac Shaze sendi Ivan Stojkovic skeivan vegin og trygt bóltin í málið.

Knappar tíggju minuttir seinni slapp Eirikur Magnusarson at uppliva leiklutin sum málskjútti. Eftir hetta var at kalla tamarhald á dystinum fram til hálvleiks.

Í øðrum hálvleiki skuldi vágamenn longur fram á vøllin, men megnaðu onki at gera við leiðsluna hjá TB/FC Suðuroy/Royn.

Móti endanum av dystinum endaði tað so við at 07 Vestur gjørdi sjálvmál, tá ein avlevering frá einum 07 Vestur leikara fór framvið Ivani og endaði í málinum. 0-3 gjørdist endaliga støðan og nú hevur TB/FC Suðuroy/Royn tíggju stig, alt í meðan 07 Vestur framvegis bert hevur eina stigið og liggur sera einsamalt í botninum.

Í mun til botnstríðið, so er støðan tann, at AB eisini vann í dag á EB/Streym og tí er frástøðan til sjálva niðurflytingarstrikuna tann sama, tvey stig. Skála spæla ímóti B36 17:15. EB/Stremur hevur eins og TB/FC Suðuroy/Royn tíggju stig meðan Skála hevur 11 stig.

Hesir mannaðu TB/FC Suðuroy/Royn í dagsins dysti frá byrjan: Milos Budakovic, Dánjal Godtfred, Isaac Shaze, Salmundur Bech, Búi Egilsson, Eirikur Magnusarson, Heri Kjærbo, Teitur Olsen, John Villi Wøldike, Arifovic Ibrahim og Dennis Rasmussen Nielsen.

Betri lýsing Faroe Ship lýsing Sport 24 lýsing Smyril Line lýsing Vestpack lýsing NJM lýsing