Fríggjadagurin upprann og hetta var seinasti dagur við fótbóltsskúlanum á hesum sinnið. Guti og hansara venjarar og hjálparar fóru út á vøllin um 9-tíðina til seinasta dagin hjá teimum saman við hesum mongu børnunum, sum møtt vóru til hetta afturvendandi tiltaki hjá Tvøroyrar Bóltfelag.
Sum hinar dagarnir eydnaðist tað væl og børnini hugnaðu sær óført.
Tá klokkan gjørdist 14 gekk leiðin út í Ítróttarhøllina har handan var av diplomum, bóltum v/autografum, drekkidunk, ryggsekk og onnur ting, ið børnini fingu sum minni um hendan summar fótbóltsskúlan.
Vit vóru framvið við myndatólinum hendan seinasta dagin á hesum sinnið og í høvuðsheitum er talan um felagsmyndir.
Myndirnar kunnu síggjast við at fylgja hesari leinkjuni.
Allar myndirnar, ið undirritaði hevur tikið og lagt út á netið frá fótbóltsskúlanum kunnu síggjast við at fylgja hesari leinkjuni.