TB sigur í Vági um jólini

Eyðkendi og frálíki svart-hvíti búnin hjá Tvøroyrar Bóltfelag var um jólini við til at sigra í Marghøllini í Vági, har fótbóltskapping varð fyriskipa.

Millum luttakararnir var eitt lið av ungum monnum, ið hava ella hava havt teirra dagligu gongd í fótbóltshøpi í júst svart-hvíta búnanum. Hesir vóru: Teitur Justinussen, Poul Ingason, Heine Mortensen, Páll Heri Nolsøe, Heini Mikal Mortensen, Rógvi Joensen og Hanus Mortensen.

Teir gjørdu ikki mætari enn at seta alt uppá pláss í Vági og vinna kappingina. Poul Ingason gjørdist samstundis eisini toppskjútti í kappingini við seks málum.

Framvegis er onki er sum ein TB sigur í Vági.

Á myndini sæst Rógvi Joensen í dysti fyri Tvøroyrar Bóltfelag.

Scroll to Top